Bonnie Charlie's noo awa,
Safely oe'r the friendly main,
Mony a heart will break in twa,
Should he ne'er come back again.

Chorus:
Will ye no come back again?
Will ye no come back again?
Better lo'ed ye canna be,
Will ye no come back again?

Ye trusted in your Hieland men,
They trusted you dear Charlie!
They kent your hiding in the glen,
Death and exile braving.

English bribes ware a' in vain,
Tho' puir and puirer we maun be,
Siller canna buy the heart
Thayt aye beats warm for thine and thee.

We watched thee in the gloamin' hour,
We watched the in tha mornin' grey;
Though thirty thousand pounds they gi'e,
Oh, there is nane that wad betray!

Sweet's the laverock's note, and lang,
Liltin' wildly up the glen;
But aye to me he sings ae sang,
"Will ye no come back again?"

abc | midi | pdf

---

Source: Miller, C (1891) The Scottish Students Songbook. London. Bayley and Ferguson

Notes:
Words by the Baroness Nairne (1766-1845). Air attributed to Niel Gow junior (1795-1823).


Roud:
Laws:
Child: