click to play

Thou bonnie wood o' Craigielea,
Thou bonnie wood o' Craigielea;
Neer thee I pass'd life's early day,
And won my Mary's heart in thee.

The broom, the briar, the birken bush,
Bloom bonnie oe'r thy flowry lea,
And a' the sweets that ane can wish
Frae natures hand are strew'd on thee.
Thou bonnie wood, &c.

Far ben thy dark green plantin's shade,
The cushat croodles am'rously;
The mavis, down thy bughted glade,
Gars echo ring frae ev'ry tree.
Thou bonnie wood, &c.

Awa, ye thoughtless, murd'ring gang,
Wha tear the nestlings ere they flee!
They'll sing you yet a canty sang,
Then, O, in pity, let them be!
Thou bonnie wood, &c.

When winter blaws in sleety show'rs,
Frae aff the Norlan' hills sae high,
He lightly skiffs thy bonnie bow'rs,
As laith to harm a flow'r in thee.
Thou bonnie wood, &c.

Though fate should drag me south the line,
Or o'er the wide Atlantic sea,
The happy hours I'll ever min',
That I in youth hae spent in thee.
Thou bonnie wood, &c.

abc | midi | pdf
Source: Scots Minstrelsie A National Monument of Scottish Song Volume1. Edited and Arranged by John Greig

Words by Robert Tannahill(1774-1810). Air James Barr.

Taken from Electric Scotland


Browse Titles: A B C D E F G H I J K L M N O P Q R S T U V W Y Z